Le Chant des Bruyères (1)
Refrain
Ardennais. Danso, tchanto.
L' encin' va s' tirer al mine;
Vos brouyrs et vos s'ticots
Vont vos rind' heureux tortos.
Couplet
Les miniss'di noss ponff Belgiqu',
Veyant qu'to l'mond' va crever d' fouin;
Ont mis d'costé la politiqu'
Et v'nant trové des boquets d'pouin,
Son d'jo qu'à noss Ardenn',
Al plac' des mousirais,
Lu lard à créve couyenn'
Va créchi sains porçais.
2° Couplet
Dji m'va v'exposer la matière
Vos m'pardonnero po la flaireur,
To ritch's et ponff's, femm's et gran'pères
Stopo voss' nez si v'zo mâ l'coeur,
Puss' n'quin n'manque que des flattes
Po z'aritchi l'pays,
Duv'nant biesses à quouatte pattes
Et flattant s'noss' corti. - Refrain
3° Couplet
Tott'n nos soquettes et nos brouyres
Din quéqu's enné's poirtront froumin;
Avou des flattes tott's nos fetchyres
Nos fourniront des grapp's du r'zin,
Y nos manqu'rait d'hoteïes
Po raclör to noss' vin
Et faire criï merveïe
Son n'est saoul d'timps in timps. - Ardennais ...
4° Couplet
On va rallongui tos les viètches
En' n'in bâti pava les tchamps,
Vos sinto bin qui s'rait d'l'ovrètche
Mais qu'est-c' qu'on n'fouait avu l'z'aidants ?
On f'rait co mille gaïolles
Qu'arons al plac' d'ogeais
Des flamins à richolles
Qui viq'ront d'moussirais. - Ardennais ...
5° Couplet
Po nos guéri d'nos rheumatiss'
On tcheusirait nos meyeux saurts,
Puis par après cc'srait les miniss'
Qui nos frant des p'tit's û gross's paurts;
On f'rait fé des rivires
Po z'arroser l'terrain,
intôt à l'place' des pires
rechr'ait do bai wayin. - Ardennais ...
6° Couplet
On f'rait pichî les d'jins et les biess'
A fé tourner cint mill' molins,
Les aiw's mont'ront à des altess'
Qu'on n'arait deux douègts d'zeux les reins;
Les orlais et les montées
Pa des buzais d'suzon,
S'vièront tell'mint trimpés
qu'tot toun'rait à wazon. - Ardennais ...
7° Couplet
Mais l'pu bai d'to caboür ménatche
C'rait d'veïe des vatch's à trouèes trös d'c...,
Qui f'ront trouès fl... d'on seûl messatche
Sins compter qu'on trairait les bous;
Waito qu'é tas d'froumatche
Po tos ces ponff's z'ovris,
Avou ces avantaches
D'ja bin raison d'criï. - Ardennais ...
8° Couplet
Les djon's coquais, les vi's poyettes
Pon'ront des oûs ossi gros qu'mi,
Les agnais tch... des bounettes
Et les beurbis front co bin mî;
On gatt' et ses petelles
Ceu s'rait d'quouè s'aratchi,
Et on f'rait des dentelles
D'un poyw' dutchet spotchi. - Ardennais ...
9° Couplet
On f'rait germer l'suc et les waff's
Rin qu'a cratchant din des buïas,
Y farait serré des agraff's
Atour des choux, des cervelats;
C'su s'rait curieux tot d'même
Du d'zou enn' queue d'soris,
D'tirer l'café al crême
Et l'suc po l'radouci. - Ardennais ...
10° Couplet
Brès d'sus brès d'sous à nos kermess's
Dji vierrant v'nu tos nos parins,
Et rin qu'du s'gretter les fess's
Z'aro l'pu bai d'tos les festins;
Lu cabu et l'atchiss'
Les androuy's et l'djambon,
Deux trouès onn's di sauciss'
Kater ! qu'on z'aret bon ! - Ardennais ...
11° Couplet
Tos les curés, les burguimaiss'
Po quéqu' patards d'usmarieront,
Rin qu'du s'mostrer à leu finiess'
Les vi's commér's radjonniront;
On frait des nous vizètch'
Po les cé qui l'vorront,
Et on r'fondrait les corsetch'
Du celles qui l'demandront. - Ardennais ...
12° Couplet
Et viv'nt les djins qui r'ugeant l'terr'
Et qui l'sucriyant su l'papi,
R'nettio todis voss' carnassièr'
Vos porri bin n'await dondji;
Pu taurd v'ziro al tchess'
Après des boquets d'pouain
Su s'rait onn' grand' ritchess'
Son n'est quand on z'est fouain. - Ardennais ...
13° Couplet
Rindans grâc's aux biess's à quouatt's patt's
Et n'roviant nin nos députès.
Qui la ritchess' no vint des flatt's
Mais co on pôn d'in ôte costés;
Oh ! bell' brouyr' d' Ardenn'
Comm' on v'va fé germer !
Siv' d' ivnu co pu tenn'
Vos s'ra bin rustapés. - Ardennais ...
14° Couplet
Po garant d'tot's ces promess'
Raviso bin tos les profils,
Qu' les Sociétés avu leu biess'
Ont par moumint fait din l'pays
R'vid' po cent c'qui coss' mill'
S'runé po fé profit,
Au viètch' mâné l'trin d'vill'
Nest-ce nin spotchi l'crédit ? - Ardennais ...
************************
(1) La Chanson des bruyères est l'oeuvre de Monsieur l' abbé COLLARD, originaire de Fays-les-Veneurs. Il la composa vers 1847, alors que nos Chambres législatives étaient saisies d'un projet de loi sur les défrichements qui semblait devoir ouvrir, pour l'Ardenne, une ère de prospérité "ad perpetuum".
LA PARTITION
© 06 avril 2001 - Emile PRETLOT ©